Mjeshtri i prodhimit të bozës në biznesin tonë është Zoti Shyqyri Pacara, i cili ka një përvojë pune prej 32 vjetësh në prodhimin e bozës. Ai ka mbaruar shkollën 2 vjeçare të pastiçerisë në Tiranë në vitin 1975, pas së cilës ai filloi të punonte në punishten e ëmbëlsirave në Kukës. Në vitin 1980 ai mori pjesë në konkursin e zhvilluar nga Ministria e Tregtisë e asaj kohe, konkurs në të cilin receta e bozës së Kukësit, me të cilën Zoti Pacara mori pjesë, u zgjodh si receta e njësuar për Shqipërinë. Në 1991, ai la punën në punishten e ëmbëlsirave në Kukës për të hapur biznesin e tij të prodhimit të bozës po në Kukës. Zoti Pacara lëvizi për në Tiranë me 2003, ku dhe hapi biznesin aktual të prodhimit të bozës në një punishte të vogël.
|
Tani për tani, Boza Pacara shitet në pjesën më të madhe në Tiranë e rrethina. Aktualisht ne prodhojmë bozë në shishe 0.5 dhe 1.5 litërshe. Boza jonë ka katër përbërës kryesorë: miell misri e gruri, sheqer dhe ujë. Ne jemi të interesuar ta zgjerojmë aktivitetin tonë duke gjetur ortakë e investitorë nga Bashkimi Evropian, Ballkani dhe vende të tjera. Në se jeni të interesuar në bashkëpunim me ne, ju lutem na kontaktoni.
|
